27 October 2015

HAUST OG VETUR Í MATARKORTUNUM

MATUR





Fyrir stuttu síðan var elduð súpa á heimilinu sem átti að vera hefðbundin kjötsúpa á íslenska vegu. Fljótlega breyttist hún þó og varð að ítalskri vetrar-minestrone-súpu með íslenskum tilbrigðum. Það sem var öðruvísi við þessa ítölsku miðað við þá íslensku er að ég skar grænmetið mjög fínt, notaði grænmetissoð í stað þess að nota bara vatn, setti rísottogrjón út í súpuna og sauð með enda af parmesanosti. Íslenska lambakjötið var soðið með og úr varð virkilega góð súpa. Sjá uppskriftina með því að lesa nánar. 





Það sem fór út í súpuna var:

Gulætur
Sellerý
Laukur
Hvítlaukur
Hvítkál
Grænkál
Grasker
Grænmetissoð
Endar af parmesanosti
Rísottogrjón
Súpukjötsbitar

Allt grænmetið var fínt skorið niður og mýkt í ólífuolíu í um 10 mínútur. Heitu grænmetissoði helt yfir í stað vatns. Magnið þarf að vera þannig að það fljóti yfir kjötið sem fer út í. Rísottogrjón (1 bolli fyrir fjögurra manna fjölskyldu með fimm kjötbita) og parmesanostur saman við ásamt kjötinu. Látið sjóða í klukkutíma á vægum hita. Að því loknu tók ég kjötið upp úr, skar það af beinunum og reif það niður og út í súpuna. 






No comments:

Post a Comment

Pin It button on image hover
Related Posts Plugin for WordPress, Blogger...