01 July 2013

te mánaðarins – júní



Ég skora á ykkur teáhugamenn að kaupa ykkur ferskjute. Í júní var teið Ferskjueimur te mánaðarins frá Tefélaginu. Um er að ræða hvítt te Pai Mu Tan te frá Fujian héraði í Kína. Hvíta teið er unnið úr sérvöldum blöðum teplöntunnar. Ferskjubragðið er létt og sumarlegt, milt við lítinn stöðutíma en þolir vel að standa lengur og veður þá kröftugra. Alveg ofsalega gott og sumarlegt og sannarlega drykkur sem henar á kaldari sumardögum! 



–Sjá meira um hvítt te og ágæti þess með því að ýta á lesa nánar hnappinn–


Hvítt te fæst með því að týna laufblöðin rétt áður en þau opna sig og sólþurrka í 2-3 daga. Framleiðsluferillinn er stuttur og einfaldur og því varðveitast upprunaefni plöntunnar vel. Þess vegna er hvítt te af mörgum talið einstaklega heilsusamlegt. Vegna þess að laufblöðin eru bara týnd á tilteknum tíma í þroskaferlinu er framleiðslan lítil – gott hvítt te er því dýrt. Undanfarin ár hefur hvítt te orðið að hálfgerðum tískudrykk á Vesturlöndum. Síðustu ár hafa komið fram vísbendingar um að hvítt te kunni að vera enn hollara en það græna enda er það minna unnið.

Tedrykkja hefur verið hluti af kínverskri menningu í þúsundir ára, samþætt hugmyndum um náttúrulegt jafnvægi - yang og yin. Þetta jafnvægi kemur við sögu í hlýju og kulda, sigrum og ósigrum, risi og falli, veikindum og heilbrigði og öðrum andstæðum í náttúrunni og lífi manneskjunnar. Hugmyndir um yang og yin eiga sér rætur í virðingu og skilningi á jafnvægi náttúrunnar. Mataræði er veigamikill hluti af hugmyndum Kínverja um jafnvægi og tedrykkja ekki síst. Ef tedrykkja hjálpar okkur að viðhalda jafnvægi og ró í erli dagsins þá þarf ekki að leita frekari sannana fyrir gagnsemi hennar.




No comments:

Post a Comment

Pin It button on image hover
Related Posts Plugin for WordPress, Blogger...