07 February 2013

matur: pasta með tómat, salami og kjúklingabaunum

Gunnar Sverrisson / Home and Delicious

Alveg verulega góður pastaréttur, auðveldur og fljótlegur sem aldrei spillir fyrir. Ættaður frá Nigellu og ég geri hann reglulega. Sá hana útbúa rétt í þessa áttina fyrir ansi löngu síðan í einhverri sjónvarpsseríunni, prófaði og hann virkaði vel. Dætur mínar eru líka hrifnar af honum sem fær hann til að falla í flokk góðs og matarmikils fjölskyldukvöldverðar! 

Heimalöguð tómatsósa með salami og kjúklingabaunum

1/2 rauðlaukur, saxaður
3 msk ólífuolía
salami, sjá skýringu
2 dósir niðursoðnir tómatar
1 dós kjúklingabaunir, mega vera niðursoðnar
salt og svartur pipar
1 tsk sykur

Varðandi salami þá má kaupa það niðursneitt í áleggsbréfi eða heila pylsu. Ég nota pylsu til að fá stærri bita og gera réttinn meira djúsí. Í þetta magn þarf um 7 cm af pylsunni, sneitt niður og skorið í bita, eða eitt áleggsbréf. 

Mýkið laukinn í olíu í potti eða á djúpri pönnu, bætið salamibitum saman við og látið malla í 5 mínútur, hrærið reglulega í á meðan. Hellið tómötum í pottinn sem og baununum. Látið sósuna malla á vægum hita í 10-20 mínútur án þess að hafa lok yfir pottinum. Þannig nær hún að þykkna og ná þessum sælkeraeiginleikum. Sykrið, þessu má sleppa en ég tek fram að það er oft mjög gott að setja örlítinn sykur í tómatsósur. Saltið og piprið. Berið fram með uppáhalds pastanu og rifnum parmesanosti. 


No comments:

Post a Comment

Pin It button on image hover
Related Posts Plugin for WordPress, Blogger...