14 February 2013

freistingar thelmu: súkkulaðiostakökubitar með Kit Kat


Gunnar Sverrisson / Home and Delicious

Við kynnum nýjan pistlahöfund inn á Home and Delicious. Thelma Þorbergsdóttir er þekkt fyrir ómótstæðilegar freistingar sýnar og heldur úti síðunni Freistingar Thelmu. Hún bakaði jólabollakökur í síðasta tölublað af veftímariti Home and Delicious, sem eru dásamlegar, og mun halda áfram að gleðja okkur þar líka. Fyrsta uppskriftin sem hún gefur okkur er... SÚKKULAÐIOSTAKÖKUBITAR MEÐ KIT KAT.

–ýtið á lesa nánar hnappinn til að sjá uppskriftina–





Súkkulaðiostakökubitar með Kit Kat

Undirbúningstími 90 mínútur

botn:
225 g hafrakex
120 g sykur
120 g smjör

Setjið hafrakex og sykur í matvinnsluvél þar til kexið er orðið að fínni blöndu. Bræðið smjörið og blandið saman við með sleif. Setjið í eldfastmót 20x20 eða meðalstórt form og þrýstið hafrakexblöndunni vel ofan í botninn. Gott að setja smjörpappír í botninn á forminu svo auðvelt sé að ná kökunni upp úr. Bakið í 10 mín. við 180 gráðu hita. Kælið alveg.

ostablanda:
370 g rjómaostur
95 g dökkt kakó
90 g sykur
2 egg
7 Kit Kat pakkar

Raðið Kit Kati jafnt og þétt ofan á hafrakexbotninn. Þeytið saman rjómaostinn, kakóið, sykurinn og eggin þar til blandan er létt í sér og allt hefur blandast vel saman. Setjið rjómaostablönduna yfir Kit Katið, það þarf að smyrja blönduna yfir því hún er örlítið þykk. Dreifið varlega úr rjómaostablöndunni með sleif. Bakið í 35 mín. við 180 gráðu hita. Kælið.

súkkulaði ofan á:
300 g dökkt súkkulaði
130 g smjör

Bræðið súkkulaðið og smjörið yfir vatnsbaði og hellið því yfir kælda ostakökuna. Skreytið með bræddu, hvítu súkkulaði.

hvítt súkkulaði:
100 g hvítt súkkulaði
30 g kókosolía eða smjör

Bræðið yfir vatnsbaði og skreytið að vild. Þegar súkkulaðið hefur náð að storkna ofan á kökunni er hún skorin í bita.



No comments:

Post a Comment

Pin It button on image hover
Related Posts Plugin for WordPress, Blogger...