tíska: hárbönd

Þau hafa sést í miklu meira mæli undanfarið og ég er ánægð með það. Dolce and Gabbana og fleiri notuðu óspart hárbönd á fyrirsæturnar sem kynntu vor- og sumartískuna 2013. Um að gera, hárbönd eru ákveðin klassík, ótrúlega þægileg að nota, henta nánast öllum hársíddum – og hvað þau eru hentug á slæmum hárdögum! Finnið góðan klút, prófið ykkur áfram og fáið innblástur af myndunum sem fylgja. 

1 / 2 / 3 / 4

bakstur: baby ruth-terta með sannkölluðu snickers-bragði

Gunnar Sverrisson / Home and Delicious

Ég tók fram gömlu uppskriftamöppuna mína um síðustu helgi og valdi þessa til að baka. Ferlega sniðug kaka og mjög fljótleg. Kom mér skemmtilega á óvart hvað dætur mínar voru hrifnar af henni. Hún helst mjúk og góð og er því þægileg til að taka með sér í bústaðinn eða ferðalagið, til að njóta með kaffinu eða hafa í eftirrétt.

botn:

3 eggjahvítur

2 dl sykur

1 tsk lyftiduft

20 Ritz-kex

100 g salthnetur

krem:

50 g smjör

50 g súkkulaði

50 g flórsykur

2 eggjarauður

Þeytið saman eggjahvítur og sykur þar til stíft. Myljið kexið og hneturnar mjög vel, helst í matvinnsluvél. Setjið út í hvíturnar ásamt lyftiduftinu. Blandið varlega. Takið 24 cm form og þrýstið bökunarpappír vel niður í það. Hellið deiginu í og bakið við 200 gráður í 30 mínútur. Ef kakan dökknar að ofan og er ekki nógu bökuð skuluð þið setja álpappír yfir hana í ofninum. Gætið þess að baka hana ekki of mikið því þá verður hún hörð. Setjið í plastpoka á meðan hún kólnar eða þar til kremið er sett á hana. Bræðið súkkulaðið og smjörið saman fyrir kremið. Kælið aðeins. Hrærið flórsykurinn og eggjarauðurnar saman við þar til kekkjalaust, hellið súkkulaðinu saman við og blandið vel. Smyrjið á kökuna og berið fram með ís eða rjóma. 

föstudagur til...

remain simple / kiyoaki / a note on design / 

her life is her canvas / this is glamorous

hönnun: ný stockholm lína frá ikea

Hönnun í hverju smáatriði, vönduð efni, leitað eftir því „einstaka", nýjar leiðir. Þetta er lýsing á nýju Stockholm línunni frá Ikea sem nú er komin í verslanir víða um heim. Þar er einblýnt á lausnir fyrir stofuna, borðstofuna og svefnherbergið en vörurnar eru gerðar með það í huga þær er hægt að nota í öllum herbergjum heimilisins. Í línunni eru einstakar og áberandi vörur með tilliti til hönnunar og ávallt haft í huga að þær gangi saman þótt ólíkar séu.

Efnin sem notuð eru í húsgögn og aukahluti eru mjúk og sterk, góð viðkomu, auðveld í notkun og hafa skemmtilega áferð. Hnotan og hennar súkkulaðibrúna áferð er notuð í húsgögn, vandað leður í sófa og beinpostulín í leirtau. Efni sem eldist vel og verður fallegra með aldrinum. Gæðir heimilið lífi og persónuleika. Ganga til næstu kynslóðar.

Smáatriðin eru í aðalhlutverki í þessari Stockholm línu frá Ikea. Sú eldri gerði meira út á samræmi hluta en nú er unnið með það að velja ólíka hluti saman, skapa á þann hátt sinn eigin stíl og eiga auðvelt með að kaupa úr línunni hluti sem falla vel að því sem fólk á fyrir.

–sjá fleiri myndir frá Ikea með því að ýta á lesa nánar hnappinn– 

matur: aspas, hráskinka og hollandaise-sósa

Gunnar Sverrisson / Home and Delicious

Ég get seint hætt að mæra blessaðan aspasinn. Ferskur er hann svo falleg fæða og um hollustuna þarf ekki að efast. Það er hægt að gera mjög margt úr honum og með honum og ef maður dettur í aðdáendahóp aspasins þá er gaman að elda hann, nota hann með kjöti og fiski, í pasta og rísottó. 

Hér er hann borinn fram á klassískan máta – vafinn hráskinku og hollandaise-sósa með. Þar sameinast ferskt bragð, salt og mjúkt og úr verður óbrigðul blanda sem ég skora á ykkur að njóta við tækifæri því aspasinn má orðið fá svo víða. 

aspas:

Hér passar að nota eitt búnt af stórum aspas. Skerið af endum aspasins. Ég kýs það að sjóða hann örlítið áður, í 5-7 mínútur, takið þá upp úr pottinum og látið renna á hann kalt vatn. Vefjið hráskinku utan um tvo stilka, ein sneið utan um hverja tvo. Leggið í fat eða á bökunarplötu. Dreypið nokkrum dropum af góðri ólífuolíu yfir. Stingið í 200 gráðu heitan ofn í um 5 mínútur eða þar til hráskinkan er orðin svolítið stökk að utan. 

hollandaise-sósa:

Þetta er fljótlega leiðin að gera sósu sem þessa og sama uppskrift á við bernaise-sósu, í hrærivél eða blandara. En trúið mér, hún er mjög góð og verður svo létt og flott. 

2 eggjarauður

1 msk hvítvínsedik (fyrir bernaise-sósu er notaður bernaise-essence í staðinn)

200 g brætt smjör

1 tsk vatn eða 1 tsk kjötkraftur (kraftur út í vatnið)

1 tsk tarragon

Setjið rauður ásamt ediki í hrærivél og þeytið þar til rauðurnar eru léttar í sér. Bræðið smjörið í potti, Setjið kraftinn saman við ásamt tarragoninu. Hafið hrærivélina á lágum snúningi og hellið smjörinu í mjórri bunu saman við rauðurnar. Að því loknu aukið þið hraðann og hrærið þar til úr verður létt og ljós sósa sem er ómótstæðileg á ofnbakaðan aspasinn. Berið fram. 

10 herbergi – úti við með frábærum hugmyndum

10

Herbergi úti þar sem má finna skemmtilegar og nytsamar hugmyndir. Allt vel framkvæmanlegt 

og mjög ólíkt. Tími til kominn að spá í svalirnar, veröndina, pallinn, sumarbústaðinn. 

Gera eitthvað eftirtektarvert og njóta þess meðan sumarið endist. 

–sjá fleiri myndir með því að ýta á lesa nánar hnappinn–

hönnun: svoldið hráar og heitar fataslár

Eitt af því sem mér finnst afskaplega töff eru svoldið hráar fataslár. Það er auðvitað bæði hægt að nota þær sem fatahengi í svefnherbergi og fyrir útiföt. Ekki skaðar heldur að eiga svoldið flott föt eða bara föt í skemmtilegum litasamsetningum til að hengja á. Aðalatriðið er samt sem áður að fatasláin sé hrá því þá stangast hún skemmtilega á við fötin. Þessar fataslár eru héðan og þaðan. Mér finnst þessi með hattinum, Tati coat rack, sérstaklega skemmtileg ásamt fataslánni með hvítu stuttermabolunum úr Bodie and Fou.   

–Elín Hrund

1 / 2 / 3 / 4a / 4b / 4c / 4d / 4e